Атэна – жаночага полу, ды пры тым увасабляе мудрасць, стратэгічнасць, пераможнасць; а таксама ткацтва: павольную акуратную працу.
Мядуза – поўная супрацьлегласць: монстр, істота створаная з крыўды, злобы, і імпульсіўнасці. Позірк яе скамяняе – забірае волю, суб’ектнасць, індывідуальнасць.
Іх апазіцыя паказвае два шляхі – тое чым можа стаць кожная асобная жанчына, кожны чалавек, і кожная грамада.
Персей, сын Зеўса-упарадкавальніка, пры дапамозе Атэны перамагае Медузу, і скарыстаўшыся яе галавой як зброяй, дорыць тую галаву Атэне.
Атэна ставіць яе на Эгіду – чароўную казліную скуру-шчыт, і перамога гэтая настолькі важная, што Эгіда з галавой Медузы робіцца аднім з асноўных яе атрыбутаў.
То бок, перамагае розум, стрыманасць, стратэгічнасць, лобныя долі. Крыўда, рэфлексіўнасць, беспадстаўная агрэсія – прайграюць і пераўтвараюцца ў пудзіла-напамін.
Што нам нагадвае Медуза з яе позіркам, што акамяняе, абязвольвае?
На паверхні – культуру адмены, сучасны алгарытмічны гінацэнтрычны вулей, самазнішчальны фемінізм. Таксічны ліпкі матрыярхат, пастаяннае віхлянне кансэнсусу за кошт праўды, адсутнасць ясных іерархіяў на карысць павуціння інтрыг, блакуючы позірк пастаяннага назірання ўсіх за ўсімі.
Зрэшты, такое прачытанне даволі стандартнае хаця б таму што тату з Медузай – вельмі распаўсюджаны сюжэт ва ўласна саміх радыкальных феміністак ды іх спачувальнікаў.
Дык вось скажу яшчэ, што на сучасныя рэаліі Медуза увасабляе сабой і алгарытмічную вязніцу татальнага назірання на базе “штучнага інтэлекту” і вялікіх дадзеных. Нейкай монструознай злой сутнасці што кожнага можа скамяніць.
Скамяняючы позірк = блакаванне рахункаў, электрамабілей, смарт-жытла, і гэтак далей.
Чалавек што трапляе пад гнеў Мядузы пазбаўляецца грошай, голасу, платформы, магчымасці дзейнічаць. Гэта – ідэальная сістэма па ўзоры кітайскай сістэмы сацыяльнага рэйтынгу, аб якой мараць ўсе хто кіруе сучаснай цывілізацыяй.
Дык вось апрача іншага, Персей карыстаецца люстраным шчытом, што дала яму Атэна. Яшчэ яму дапамагае накідка нябачнасці ад Аіда, а таксама лятучыя сандалі і серп ад Гермеса.
Гледзячы ў адбітак Мядузы на шчыце, ён падыходзіць да яе і забівае яе.
Упэўнены, у міце для нас ёсць рэцэпты супрацьстаяння з пачварай сённяшняй, бо ўсе праблемы з’яўляюцца па крузе, і ў кожнай “новай” праблемы – старажытнае вырашэнне найэлегантнейшае.