Dzivosy

Андэграўнд сілкуе мэйнстрым, заўсёды і паўсюль.

Мэйнстрым сам па сабе няплодны, безідэйны, аднастайны, другасны.

Мэйнстрымныя творцы заўсёды сочаць за андэграўндам.

Заўсёды можна прасачыць, калі заняцца, дакладную хаду думак кожнага мэйнстрымнага дзеяча, углыб да крыніцы іх натхненняў, уражанняў, крыўдаў. Там будзе андэграўнд.

Заўважалі як вашыя ўлюбёныя музыкі заўсёды пералічваюць у якасці сваіх уплываў нешта абсалютна нечаканае (для вас), іншыя стылі, нейіх патаемных маргінальных творцаў.

Гэтаксама і мастакі, і пісьменнікі, палітыкі. Гэта тыя ж механізмы.

У натхнення крывыя шляхі.

У большасці трохі павярхоўнае, рэфлектыўнае разуменне знакаў.

Маўляў, – паказалася нешта, значыць прадказвае менавіта нешта адное. Звычайна, тое чаго хочацца тлумачальніку.

Але знакі трошкі не так працуюць.

Знак – гэта вызваленне напружання з прасторы. Нейкая тэма настолькі скампрэсаваная ціскам думак, малітваў, страхаў, абмеркаванняў, што яна выстрэльвае нечым звязаным.

То бок, знак не паказвае і не гарантуе накірунак.

Знак паказвае важнасць.

Да таго ж, існуе свабодная воля людзей, гэта адзін з прынцыпаў уладкавання свету. Воля змяняе свет.

Таму найцьверазейшае тлумачэнне знакаў – яны паказваюць важнасць нейкага пытання. Канкрэтны накірунак і вынік развіцця падзей вырашаецца свабодная воляй і дзеямі ўсіх удзельнікаў.

Напрыклад, упершыню знойдзены пад Менскам герб Ізяслава ў 2022 – не азначае хто каго захопіць то хто што куды ўвядзе. Гэта ідэалізм і жаданне пацвьердзіць свае ўласныя погляды.

Карэктнае тлумачэнне знойдзенага трызубу як знаку можна сфармуляваць так: усё што адбываецца ў і навокал сучаснай Украіны мае абсалютна крытычнае значэнне для будучыні Менску і Міншчыны.

Гностыкі, ці будыстыя, альбо іншыя – ўсе хто верыць што гэты свет ёсць “злым”, пеклам, альбом вязніцай, якой кіруе злы дух-дэміург, а недзе звонку свету ёсць святло і сапраўдны добры бог

гэта для вас

вашыя асноўныя аргуманты – “тут усе мусяць есці адно аднаго каб выжыць, істоты падзеленыя на недасканалых самцоў і самак, канфлікт у аснове існавання, таму гэты свет – і ёсць пекла, з якога трэба вырасці, вырвацца”

дык вось, гэты свет – цуд.

На ўсе тыя ж самыя правілы сусветнага ладу мы глядзім не з агідай, а з захапленнем.

З яйка, якое проста бялок ды жаўток, фармуецца кураня з клювам, капцюрамі, і пер’ем.

З семя выходзіць дрэва – агромністае, дае і зеляніну, і ежу, і драўніну, і кару, і кветкі, і жытло для птушак.

Карова ўвесь дзень перарабляе малакаштоўную зеляніну ў малако – супер-ежу, зробленую дзеля таго каб малы звер стаў вялікім.

З люстэрка пазірае то адзін дзед, то іншы, а з кожным нашым мазалём і недаспанай ноччу вырастаюць і дужэюць дзеці.

Мы і ёсць гэты свет, ягоны рух.

Гэты свет і ёсць выраем.

Мы і ёсць продкі; мы і ёсць нашчадкі.

Канфлікт узмацняе нас. Падзеленасць робіць нас вынаходлівымі. Недахопы падказваюць зручнейшыя шляхі.

Перакананасць у існаванні “выраю” альбо “пекла” недзе ў іншым месцы – прыкмета монатэістых, нават сярод нібыта язычнікаў.

А монатэізм – гэта хвароба душы.

чалавеку ў зоне камфорту вельмі цяжка рабіць тое што ТРЭБА.

часцей за ўсё ён пачынае рабіць тое да чаго звыклы.

амаль ніколі гэта не тое што трэба.

і нават не заўсёды тое, ў чым ён найлепшы.

пераасэнсоўвай звычкі

Дзяцей выхоўваць вельмі проста.

Проста паказвай ім сябе дзень за днём.

Цяжка выхоўваць дзяцей тым, хто саромеецца сам сябе.

Калі хоць раз пераймаліся тым,

ці добра адчуваеце дабро і зло,

праўду і хлусню –

дык напад Расеі на Ўкраіну 24 лютага 2022 году –

цудоўны шанец для таго каб калібраваць вашае ўспрыманне.

Ясна ўбачыць атручанае, сапсаванае, выкручанае, анты-чалавечае, анты-боскае.

Калі вы ня маеце яснасці, паслізнуліся ў “не ведаем усяго” і “не да канца зразумела”,

значыць, вымяральнік у душы зусім не калібраваны, трэба падладзіць, падкруціць.

Спяшайцеся, пакуль яшчэ гэты прыклад зла перад вачыма а не распушчаны ў гісторыі.